Ministria e Drejtësisë i pezulloi 10 zyrtarë pa e ditur se për çka po hetohen [video]

20 Tetor 2016 - 19:09      

Ministria e Drejtësisë e demanton veten. Një ditë pasi që pezulloi nga puna 10 zyrtarë të Shërbimit Korrektues të Kosovës, si shkak i ngritjes së një aktakuze ndaj tyre, kjo ministri thotë se ka qenë një keqinterpretim, raporton KTV.

Ndonëse KTV-ja ka kërkuar sqarime ministria nuk ka thënë se çka do të ndodhë me zyrtarët e pezulluar, transmeton Koha.net.

Nga ana tjetër, Prokuroria Speciale e Kosovës ka konfirmuar se ndaj zyrtarëve në fjalë ende nuk ka aktakuzë, por ekziston vetëm një aktvendim për hetimin e tyre. E se zyrtarët e Shërbimit Korrektues të Kosovës janë ende vetëm nën hetim, e kishte konfirmuar zëvendësdrejtori i Shërbimit Korrektues të Kosovës, Shemsi Hajrizi, i cili këtë vendim të ministres e kishte quajtur si të ngutshëm.

Njohësit e çështjeve të drejtësisë thonë se sistemi i drejtësisë në vend nuk njeh praktika të tilla, ku largohen nga puna zyrtarë, pa pasur një vendim të plotfuqishëm të gjykatës.

Derisa këtë vendim të ministrisë e shohin si drejtësi selektive.

© KOHA. Të gjitha të drejtat janë të rezervuara.