Pacolli: Sipas ligjit të AKR-së për Trepçën nga 2014 do të fillohej me punë, e ndaloi Muhamet Mustafa

20 Tetor 2016 - 18:56      

I pari i Aleancës Kosova e Re, Behgjet Pacolli gjatë një qëndrimi në Mitrovicë ka folur për ligjin e Trepçës.

Ai gjatë atij debati me qytetarë ka thënë se ligji i tanishëm është i mangët, por zbuloi edhe një detaj për ligjin e propozuar nga AKR-ja, transmeton Koha.net.

“Ligji i AKR-së për Trepçën ishte i përgatitur për të shkuar në votim, por atëherë ishte bllokuar nga Muhamet Mustafa, i cili ka qenë deputet i AKR-së dhe ka kaluar në mënyrë ilegale në LDK, duke mundësuar kështu bllokimin e këtij ligji në Parlament”, ka thënë lideri i AKR-së për të shtuar se atëbotë i kishte mbledhur ekspertët ndërkombëtarë për ta shqyrtuar mënyrën më të mirë dhe efektive të qasjes ndaj këtij gjiganti.

“Sipas këtij plani, Trepça qysh në vitin 2014 do të duhej të ishte funksionale”, ka thënë Pacolli, i cili me këtë rast i ka përmendur edhe padrejtësitë e shumta që janë bërë ndaj minatorëve.

© KOHA. Të gjitha të drejtat janë të rezervuara.