Kërkohet bashkëpunim më i thellë ekonomik Kosovë – Bavari

20 Tetor 2016 - 14:53      

Ministri i Punëve të Jashtme Kosovës, Enver Hoxhaj, në Munih të Gjermanisë, ka takuar edhe ministren e Bavarisë për Çështje Evropiane, Beate Merk, njofton kumtesa ministrore, transmeton Koha.net.

Në takim është folur për një intensifikim më të madh të marrëdhënieve ekonomike të Kosovës me Bavarinë, pasi siç është thënë, deri me tani është treguar një model i suksesshëm i këtij bashkëpunimi.

Po ashtu, në takim është theksuar se ka shume biznese nga Kosova që veprojnë në Bavari dhe në anën tjetër ka një interes të kompanive bavareze për Kosovën.

Çështje tjetër e diskutuar në takim ka qenë edhe bashkëpunimi në fushën e arsimit, shkencës dhe kulturës, e veçmas çështja e bursave për studentët nga Kosova.

Ministri Hoxhaj në kuadër të kësaj vizite, ka marrë pjesë edhe në Forumin Ekonomik për Ballkanin Perëndimor të organizuar nga dhomat e tregtisë të Mynihut dhe Bavarisë së Epërme, si dhe qeverisë së këtij shteti.

Gjatë qëndrimit në Mynih, Ministri Hoxhaj ka hapur Konsullatën e përbashkët Kosovë-Shqipëri.

© KOHA. Të gjitha të drejtat janë të rezervuara.