Arrestohet zyrtari i Komunës së Pejës për dy vepra penale

20 Tetor 2016 - 08:16      

Njësiti i krimeve ekonomike me urdhër të Prokurorisë Themelore të Pejës ka arrestuar të mërkurën zyrtarin në Zyrën komunale të Pejës për kthim dhe komunitete, Haki Kartallozi, shkruan sot Koha Ditore.

I dyshuari për kryerje të dy veprave penale është arrestuar në vendin e tij të punës, ku ishte transferuar në dhjetorin e vitit të kaluar nga Zyra e prokurimit.
Arrestimin e Haki Kartallozit e ka konfirmuar për KD-në prokurori i lëndës, Haxhi Sinanaj.

“Haki Kartallozi sot është arrestuar me dyshime për shpërdorim të detyrës zyrtare dhe ndërhyrje në sistemin kompjuterik. Ai dyshohet se ka ndërhyrë në sistemin e pagesave të tatimit në pronë që i kanë bërë palët. Dyshimet janë se ai u ka marrë njerëzve para dhe atje e ka bërë mbulesën fiktive”, thotë prokurori.
(Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.