“Ministrja Bajrami kontrabandoi udhëzimin administrativ për cilësinë e derivateve”

19 Tetor 2016 - 17:26      

Shoqata e ndërmarrjeve që merret me qarkullim të naftës, derivate të naftës, gazrave dhe lubrifikanteve, përmes rrugëve jozyrtare është njoftuar se Ministria e Tregtisë dhe Industrisë ka draftuar Udhëzimin e ri administrativ për cilësinë e karburanteve.

Lidhur me këtë ka reaguar Shoqata e Naftëtarëve,e cila ka theksuar se ministrja e Tregtisë dhe Industrisë, Hykmete Bajrami ka kontrabanduar Udhëzimin administrativ për cilësinë e derivateve.

“Shoqata e Naftëtarëve të Kosovës si palë e interesit pa asnjë shpjegim dhe arsye është anashkaluar nga Grupi punues për draftimin e udhëzimin e ri administrativ për cilesinë e karburanteve që ka qenë praktikë e mëhershme në MTI. Kjo qasje e MTI-së duke anashkaluar përfaqësuesit e biznesit të kësaj industrie të cilët efektohen në mënyrë të drejtpërdrejt nga dispozitat e këtij UA , është një qasje totalisht e papranueshme dhe jo ligjore”, thuhet në njoftimin e Shoqatës.