Veseli bën thirrje për unitet mes shqiptarëve

19 Tetor 2016 - 15:35      

Kadri Veseli me anë të një postimi në “Facebook” ka bërë thirrje për unitet mes shqiptarëve, e jo për polemika e ndarje të panevojshme.

Polemikat e debatit Kosovë-Shqipëri ndodhën pas vizitës së Edi Ramës në Serbi dhe deklaratave të tij atje, transmeton Koha.net.

I pari i Parlamentit të Kosovës tha se Kosova dhe Shqipëria duhet të bëjnë debat për marrëdhëniet ekonomike, e jo debat simbolesh.

“Raportet e Kosovës me Shqipërinë janë raporte vëllazërore. Janë shembull se si duhet të ndërtohen raportet mes shteteve dhe popujve në të gjithë rajonin tonë. Zhvillimi pozitiv i marrëdhënieve në mes Shqipërisë dhe Serbisë është një vlerë më shumë në rrugën rajonale të integrimeve euro-atlantike. Kosova nuk humbet asgjë nga ky zhvillim. Përkundrazi, përfiton edhe më shumë, ngase po ndërtohet një klimë e përgjithshme e komunikimit dhe dialogut rajonal. Është në interesin e Kosovës që Shqipëria të flas dhe përçoj zërin e Kosovës kudo ku ne ende nuk arrijmë të kemi përfaqësim institucional. Sot, si kurrë më parë, me Shqipërinë duhet të kemi debat për marrëdhëniet ekonomike, e jo debat simbolesh. Është koha për ekonomi, jo për histori e romantizëm”, ka shkruar Veseli në profilin e tij në Facebook.

© KOHA. Të gjitha të drejtat janë të rezervuara.