MTI organizon Forum për Investime dhe Tregti në Londër, Mustafa prin delegacionin

19 Tetor 2016 - 09:59      

Ministria e Tregtisë dhe Industrisë, përkatësisht Agjencia për Investime dhe Përkrahjen e Ndërmarrjeve në Kosovë në bashkëpunim me Ambasadën e Britanisë së Madhe në Kosovë, më tre nëntor do të organizojë në Londër Forumin BM/SHBA - Kosovë për Investime dhe Tregti.

Sipas komunikatës së dërguar nga MTI, Isa Mustafa do t’i prijë delegacionit të përfaqësuesve të lartë qeveritarë të Kosovës që do të jenë në Londër, transmeton Koha.net.

Ata do të prezantojnë mundësitë për investime që ofrohen në Kosovë para investitorëve potencialë

“Forumi do të përqendrohet në sektorët ekonomikë të infrastrukturës, energjisë, shërbimeve financiare dhe teknologjisë informative. Njëkohësisht në kuadër të Forumit do të organizohen takime G2B në mes të përfaqësuesve të Qëverisë së Republikës së Kosovës dhe kompanive të interesuara si dhe takime B2B në mes të kompanive kosovare dhe atyre britanike dhe amerikane”, thuhet në komunikatën e MTI-së.

© KOHA. Të gjitha të drejtat janë të rezervuara.