A duhet lënë fëmijët e Luginës së Preshevës pa libra? [video]

18 Tetor 2016 - 21:40      

Opinionisti, Jusuf Thaçi në Rubikon të KTV-së duke debatuar mbi vizitën e Ramës në Beograd ka folur edhe për marrëveshjen e ndërmjetësuar nga BE për furnizimin me libra nga Qeveria e Kosovës për Luginën e Preshevës ndonëse tashmë kjo ka ndryshuar duke e bërë Shqipërinë kompetente për këtë detyrë.

Thaçi ka thënë se nuk sheh asgjë të keqe që Shqipëria të furnizoj me libra Luginën e Preshevës duke qenë se Kosova nuk e ka kryer një obligim të tillë.

“Nëse nuk e dinë, qe dy vite Qeveria e Kosovës qe dy vite “ka marrëveshje” me Qeverinë e Serbisë për libra në Preshevë, Medvegjë e Bujanoc. Ato libra nuk shkojnë kurrë atje, janë të burgosura, përvec që merren taksat e qytetarëve të Kosovës, qytetarët atje nuk kanë libra. Ata janë fëmijë dhe kanë të drejtë të mësojnë në gjuhë të tyre. Nëse këtë problematikë hynë Shqipëria, nëse për Serbinë është e pranueshme që fëmijët shqiptarë atje të furnizohen me libra nga Shqipëria, ku është e keqja”, ka thënë Thaçi.

E për opinionistin, Imer Mushkolaj një gjë e tillë mbetet e papranueshme dhe në këtë rast Rama do të duhej të insistonte që të realizohej marrëveshja paraprake.
“Rama në këtë rast do të duhej të bënte presion të Vuçiq që marrëveshja të realizohej, ekziston një marrëveshje”, ka thënë ai.

© KOHA. Të gjitha të drejtat janë të rezervuara.