“Kryeministrat shqiptarë gjithmonë e kanë përdorur politikisht Kosovën” [video]

18 Tetor 2016 - 21:37      

Opinionisti , Mufal Limani në Rubikon të KTV-së ka thënë se secili kryeministër shqiptar ka pasur tendencë që të debatoj mbi Kosovën dhe ta përdorë çështjen e Kosovës për arsye politike.

E me këtë opinion të tij nuk është pajtuar Jusuf Thaçi, i cili insistoj se një gjë e tillë nuk është bërë asnjëherë. Madje ai vazhdoi ta përsëris se “asnjëherë nuk ka pasur një tendencë të tillë”.

“Ku e keni parë atë tendencë, edhe pa shtet qytetarët e Kosovës nuk mund t’i anashkalojë Shqipëria, edhe kur s’kemi pas shtet, Shqipëria s’ka mund të diskutoj për Kosovën”, ka thënë ai.

Limani i është përgjigjur se një tendencë e tillë është parë që nga Enver Hoxha dhe pasardhësit e tjerë të tij.

“Gjithë kryeministrat shqiptarë, prej Enver Hoxhës e këndej kanë diskutuar për Kosovën, kanë bërë marrëveshje për Kosovën, janë përfshirë në vendimmarrje për fatin e Kosovës”, përfundoi Limani.

© KOHA. Të gjitha të drejtat janë të rezervuara.