Në Bruksel nuk do të bisedohet për Trepçën, thotë Tahiri

18 Tetor 2016 - 19:46      

Pala kosovare e ka konfirmuar lajmin së nesër në Bruksel do të ketë takime në çështjen e reciprocitetit për tabelat e automjeteve mes dyja shteteve me qëllim të finalizimit të planit zbatues në bazë të marrëveshjes së arritur më 14 shtator të këtij viti.

Kështu ka njoftuar një kumtesë e ardhur nga Ministria për Dialog, transmeton Koha.net.

Sipas kësaj kumtese do të vazhdojnë bisedimet për marrëveshjen për drejtësi për të definuar më tej detajet e procesit të zbatimit.
Pasnesër, më datën 20 tetor në agjendë do të jetë çështja e vlerësimit të zbatimit të marrëveshjes për njohje reciproke te diplomave.

Në kumtesë Tahiri ka thënë se “ pavarësisht dezinformatave që mund të kenë dal nga pala serbe, në Bruksel nuk do të bisedohet për çështjen e Trepçës sepse Trepça dhe gjitha asetet tjera janë të shtetit të Kosovës.

© KOHA. Të gjitha të drejtat janë të rezervuara.