Ambasadori italian “çmon angazhimin e Nisma-s pro integrimeve evropiane”

18 Tetor 2016 - 15:50      

Kryetari i Nisma për Kosovën, Fatmir Limaj, bashkë me sekretarin për Marrëdhënie me Jashtë, Skender Reçica, pritën në takim Ambasadorin e Italisë në Kosovë, Piero Cristoforo Sardi.

Në këtë takim, përveç karakterit njoftues, temë diskutimi ishte situata politike në vend, raportet e vendit me BE-në, në veçanti me Italinë dhe zhvillimet tjera ekonomike, sociale, etj, në Kosovë.

Limaj, Ambasadorit Italian në Kosovë i shprehu mirënjohje për mbështetjen e pakursyer të shtetit të Italisë në proceset demokratike të Kosovës dhe shprehu vullnetin për forcimin e mëtejshëm të bashkëpunimit mes dy vendeve.

Ambasadori Sardi, siç bën me dije një njoftim për media nga Nisma, tha se “e çmoj angazhimin e Nisma-s pro integrimeve europiane të Kosovës, dhe uroj që edhe në të ardhmen Nisma të vazhdoj të jetë e tillë, dhe të ketë sa më shumë suksese, në shërbim të qytetarëve të vendit”.

Ambasadori italian, Piero Cristoforo Sardi, tha se Italia është e përkushtuar maksimalisht për të mbështetur perspektivën europiane të Kosovës.

Në fund, Ambasadori italian shprehu gatishmërinë e tij për të vazhduar bashkëpunimin me Nismën si parti politike e re. Të dy palët shprehën gatishmërinë për takime të mëtutjeshme për një bashkëpunim sa më të ngushtë e cilësor. 

© KOHA. Të gjitha të drejtat janë të rezervuara.