Hoxha: Kosova me modele të suksesshme duhet ta luftojë trafikimin e qenieve njerëzore

18 Tetor 2016 - 13:55      

Në shënimin e Ditës së Bashkimit Evropian, kundër trafikimit me qenie njerëzore, të organizuar nga Ministria e Punëve të Brendshme, mori pjesë presidenti Hashim Thaçi, ambasadori i ShBA-së, Greg Delaëie, përfaqësuesja e BE-së, Natalya Apostolova, ministrja e Drejtësisë, Dhurata Hoxha, pjesë e Kabinetit qeveritar dhe ekspertë të fushës kundër Trafikimit të qenieve njerëzore na institucionet vendore e ndërkombëtare.

Ministrja e Drejtësisë, Hoxha, ka thënë me këtë rast se është rritur përkushtimi dhe aktivitetet e përbashkëta institucionale për parandalimin e trafikimit me qenie njerëzore por kërkohet ende angazhim i shtuar kundër kësaj dukurie, bëhet e ditur përmes një komunikate për media.

“Qëllimi ynë i përbashkët është veprimi dhe rezultatet pozitive kundër trafikimit. Duhet të jemi të gatshëm të marrim modele të suksesshme të luftës kundër trafikimit me qenie njerëzore, ashtu që të jemi sa më efektiv në punën tonë”, tha Hoxha dhe vuri në dukje se Kosova është bashkëpunëtore e denjë në luftimin e trafikimit me qenie njerëzore.

Më tutje thuhet se vendimi i Hoxhës për rishikimin e Kodit Penal dhe të Kodit të Procedurës Penale, është synim për fuqizimin e mëtejmë të legjislacionit të fushës penale dhe kundër të gjitha formave të trafikimit.

© KOHA. Të gjitha të drejtat janë të rezervuara.