Murtezaj në Washington merr përkrahje për forcimin e shtetësisë së Kosovës

18 Tetor 2016 - 10:25      

Zëvendësministri i Punëve të Jashtme i Republikës së Kosovës, Valon Murtezaj, gjatë qëndrimit në Shtetet e Bashkuara të Amerikës, është pritur nga zyrtarë të lartë të Departamentit Amerikan të Shtetit në Washington, D.C. bëhet e ditur përmes një komunikate për media.

Me këtë rast Murtezaj, i shoqëruar nga ambasadorja e Kosovës në Shtetet e Bashkuara, Vlora Ҫitaku, ka takuar ambasadoren Tracey Ann Jacobson, zëvendës-asistente kryesore e Sekretarit Amerikan të Shtetit dhe Matthew Palmer, drejtor i zyrës për çështje të Evropës qendrore dhe jugore, transmeton Koha.net.

“Murtezaj ka shprehur përkushtimin e fuqishëm të institucioneve të vendit për t’i bërë të gjitha reformat e nevojshme, duke theksuar se Kosova rrugën e saj do ta bëjë gjithmonë bashkë me Shtetet e Bashkuara. Në anën tjetër, zyrtarët amerikanë e siguruan zëvendësministrin se Kosova do ta ketë gjithmonë përkrahjen Shteteve të Bashkuara në ndërtimin e shtetësisë së saj”, thuhet në komunikatë.

© KOHA. Të gjitha të drejtat janë të rezervuara.