“Serbia po krijon situata artificiale për të prishur gjendjen e sigurisë në Kosovë”

17 Tetor 2016 - 21:29      

Avni Islami, njohës i fushës së sigurisë, tha se Serbia është edhe më agresive muajt e fundit për shkak të pranisë së ndikimit rus në Ballkan.

Këto komente, ai i bëri gjatë emisionit “Puls” në KTV ku u debatua për çështjen e sigurisë në vend.

“Gjendja e sigurisë është e brishtë shumë dhe me tendencë të eskalimit për shkak të krijimit të situatave artificiale nga Serbia. Nuk e di se si drejtori i policisë, Nehat Thaçi ka hyrë në Serbi 9 herë më parë dhe nuk është arrestuar, kurse së fundi është arrestuar. E kemi të paqartë këtë situatë”, deklaroi ai.

Kosova më nuk është vend veç transit i drogës, por, sipas Islamit, “tash jemi edhe prodhues i drogës”.

Avni Islami, njohës i fushës së sigurisë, tha se “gjendja e sigurisë është mjaftë e keqe” dhe kjo, sipas tij, “vjen si pasojë e korrupsionit endemik dhe nepotizmit”.

© KOHA. Të gjitha të drejtat janë të rezervuara.