Kosova synon hyrjen në KiE “përmes derës së pasme”

15 Tetor 2016 - 23:27      

Mediumi serb “Novosti” ka mësuar se Prishtina është duke provuar në çdo mënyrë që të arrijë deri në anëtarësim në Këshill të Evropës, ndërsa “goditja” më e re, sipas këtij mediumi”, për t’iu afruar këtij institucioni evropian po përgatitet për këtë dhjetor.

Shefja e delegacionit të Serbisë në Strasburg, Aleksandra Gjuroviq, ka thënë për “Novosti” se presidenti i Komitetit Politik të Asamblesë Parlamentare në Këshill të Evropës, Danac Mogens Jensen, ka paralajmëruar se do të kërkojë që të dërguarit e Kosovës të mos jenë vetëm pjesëmarrës në seancat plenare, por edhe të shprehen për të gjitha temat.

“Kjo do ta prishte neutralitetin e Këshillit të Evropës. Do të krijonte precedent. Do të bëjmë gjithçka që të mos vijë deri te kjo pikë”, ka thënë Gjuroviq, transmeton Koha.net.

Sipas informatave të “Novostit”, plani i Kosovës është që në KE të hyjnë “përmes portës së vogël”, duke shfrytëzuar interpretime të ndryshme nga rezoluta e janarit, e cila flet për gjendjen në Kosovë.

“Aty gjendet edhe formulimi për “rritjen e bashkëpunimit në mënyrë që gjendja e rëndë e të drejtave të njeriut të monitorohet nga afër në Kosovë dhe të përmirësohet”. Por disa e kanë interpretuar këtë si një thirrje ndaj deputetëve për të hyrë në Kuvend”.  

© KOHA