EULEX-i ngre aktakuzë ndaj Hysni Hoxhës, Njazi Thaçit dhe 5 zyrtarëve të tjerë

14 Tetor 2016 - 09:20      

Prokuroria Speciale e EULEX-it ka ngritur aktakuzë ndaj katër zyrtarëve të lartë të KEK-ut, ndaj ish-kryetarit të Organist Shqyrtues të Prokurimit, Hysni Hoxha, dhe të një eksperti të OSHP-së për shpërdorim të detyrës zyrtare dhe veprimtari të pandërgjegjshme ekonomike, lidhur me një tender që kishte vlerën e afro 2 milionë eurove, shkruan sot Koha Ditore.

Ata po akuzohen se janë të përfshirë në dhënien e tenderit të KEK-ut dy kompanive “Solar & Ortex Uro Group” dhe “Beli Com”, edhe pse kanë qenë në dijeni se autorizimet e paraqitura dhe dokumentet e tjera relevante janë të falsifikuara.

Në aktakuzën e ngritur më 7 korrik të këtij viti, nga prokurori i EULEX-it, Tomas Meskauskas, janë përfshirë drejtori operativ i KEK-ut, Njazi Thaçi, ish-kryetari i OSHP-së, Hysni Hoxha, eksperti shqyrtues i OSHP-së, Azem Duraku, dhe katër zyrtarë të KEK-ut, Emin Tmava, Hanefi Hajdini, Driton Pruthi dhe Muhamet Selmani. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.