Gashi: Thaçi nuk zbuloi asgjë të re me katër letrat

13 Tetor 2016 - 20:41      

Letrat e të parit të shtetit, Hashim Thaçi drejtuar Prokurorisë së Shtetit për hetimin e krimeve të para dhe pas luftës sipas avokatit, Tomë Gashi nuk janë gjëra të reja dhe shoqëria ka qenë e informuar mbi këto raste.

Ai ka thënë se Thaçi nuk po zbulon asgjë të re me këto letra dhe hetimet duhet të përfshijnë edhe rastin e eksplozivit në autobusin që ka udhëtuar Nish-Prishtinë.

“Nuk janë gjëra të reja që po i zbulojmë tani apo që po i zbulon Hashim Thaci si president i Kosovës. Duhet të hetohet edhe rasti i dhënies së ekspolizivit të autobusit që ka udhëtuar Nish – Prishtinë”, ka thënë Gashi.

Gashi i cili ka qenë edhe këshilltar i presidentit Thaci në kohën kur ishte kryeministër ka thënë se Thaci ka pasur mundësi që fuqinë e tij ta përdor në kohën kur ai ishte kryeministër.

“Nëse Hashim Thaçi ia do të mirën popullit të Kosovës pasi ai ka mbajt pozitat më të larta në shtetin e Kosovës, sigurisht fuqinë kryesore është dashtë ta shfrytëzoj institucionalisht kur ka qenë si kryeministër i Kosovës dhe në atë mënyra ka pas mundësi të jap ‘urdhra’”, përfundoi Gashi.

© KOHA. Të gjitha të drejtat janë të rezervuara.