Ligji për Trepçën në Kushtetuese [raport i KTV-së]

13 Tetor 2016 - 19:05      

Hezitojnë të shqiptojnë emrin “Republika e Kosovës”. Madje as nuk deklarohen kosovarë, por nuk e kanë problem që t’i drejtohen Kushtetueses së Kosovës për ta rrëzuar ligjin për Trepçën, raporton KTV.

10 deputetë të Listës Serbe, të cilët u larguan nga institucionet e vendit pas miratimit të ligjit të Trepçës, kanë trokitur në dyert e Gjykatës Kushtetuese të Kosovës, me kërkesë që të vlerësojë kushtetutshmërinë e këtij ligji.

Slavko Simiq, udhëheqës i Listës Serbe, pretendon se deputetët shkelën shumë nene të Kushtetutës dhe rregulloren e punës së Kuvendit me miratimin e këtij ligji. Sipas tij, me ligjin për Trepçën nuk u respektuan as interesat vitale të popullit serb.

Simiq, i cili menjëherë pas dorëzimit të padisë ka udhëtuar për në Beograd, ka thënë se para se të marrin një vendim për të ardhmen e tyre në institucione do të konsultohen brenda partisë, me qeverinë në Beograd dhe bashkësinë ndërkombëtare. 

© KOHA. Të gjitha të drejtat janë të rezervuara.