VV akuzon KEK-un për “shitje të punëtorëve” ndërmarrjeve private

13 Tetor 2016 - 11:40      

Deputeti i Lëvizjes Vetëvendosje, Faton Topalli ka thënë se Korporata Energjetike e Kosovës është duke trajtuar shumë keq punëtorët e saj. Në një konferencë për media ai ka thënë se 270 punëtorë të sektorit të mbrojtjes dhe sigurisë, KEK i ka ndërmjetësuar në ndërmarrje private.

Sipas tij, me këtë veprim KEK ka bërë shkelje ligjore. "Këto veprime janë shkelje të të drejtave të punëtorëve. KEK ka bërë shkelje ligjore duke i shitur punëtorët tek ndërmarrjet private", ka thënë ai. Po ashtu ka kërkuar nga përgjegjësit e KEK-ut t' ua njohë këtyre punëtorëve statusin e punës, raporton KTV.

"Këta punonjës kanë kontrata valide me KEK-un dhe nuk janë larguar nga aty formalisht nga puna, por në të njëjtën kohë nuk kanë bërë asnjëherë asnjë kontratë tek ndërmarrjet tek të cilat punojnë. KEK-u ka manipuluar me statusin e tyre, sepse ata janë punëtorë të KEK-ut dhe posedojnë kontrata të punës. Shkelje tjetër që u është bërë këtyre punëtorëve është se është luajtur vazhdimisht me ta herë janë marrë në punë e herë janë larguar nga puna", ka thënë Topalli.

© KOHA. Të gjitha të drejtat janë të rezervuara.