Vlerësohet ndihma franceze në fushën e drejtësisë

13 Tetor 2016 - 11:39      

Prishtinë, 13 tetor - Ministrja e Drejtësisë, Dhurata Hoxha, priti sot ambasadorin e ri të Francës në Kosovë, Didier Chabert, me të cilin diskutoi për bashkëpunimin e deritashëm në lëmin e drejtësisë dhe mundësinë e thellimit të këtij bashkëpunimi.

Ministrja Hoxha përgëzoi z. Chabert për emërimin e tij në krye të misionit diplomatik francez në Kosovë dhe falënderoi për bashkëpunimin e deritashëm në lëmin e drejtësisë.

“Çmojmë lartë bashkëpunimin në lëmin e drejtësisë me Republikën e Francës në drejtim të sundimit të ligjit dhe fuqizimin e shtetit ligjor, si segment thelbësor në rrugën tonë euro integruese”, thekoi ministrja Hoxha.

Ambasadori Chabert e falënderoi ministren Hoxha për vlerësimin e lartë të bashkëpunimit të deritashëm bilateral dhe rikonfirmoi vazhdimin e tij duke e thelluar dhe pasuruar.

Ministrja Hoxha dhe ambasadori Chabert vlerësuan se bashkëpunimi në fushën e drejtësis në mes të Republikës së Kosovës dhe Republikës së Francës ka mundësi thellimi, në veçanti për ndihmën juridike ndërkombëtare si dhe për çështjet penale.