Rama dhe Vuçiq ia nisën me polemika për BE-në dhe Rusinë

13 Tetor 2016 - 10:53      

Kryeministri shqiptar Edi Rama dhe ai serb Aleksandar Vuçiq, hapjen e Forumit në Beograd e kanë nisur me polemika rreth Bashkimit Evropian dhe Rusisë, raporton Koha Ditore.

Duam të kemi marrëdhënie te mira me Bosnjen, Shqipërinë. Nuk jam optimist për situatën në rajon. Nuk dua te turpërohemi pse jemi në Ballkan, duhet gjetur forma të bashkëpunimit, ka thënë Vuçiq në hapje.

Ka rritje te ideve nacionaliste. Por ka probleme ne Bosnje. Pastaj ndërtimi i marrëdhënieve të ndërsjella me shqiptaret është ende fragjile, raporton Koha Ditore.

Sa i përket nacionalizmave së pari i referohem Serbisë. Por e shihni si po ndryshojnë gjërat, temat. Duam marrëdhënie te mira edhe me Rusinë, dhe këtë do t’ia themi popullit tonë. Dua t'i ruaj lidhjet me Rusinë, ka qenë kategorik Vuçiq.

Rama e nisi me batutë duke thënë se për 15 minuta zgjidhen të gjitha problemet, aq sa kishin në dispozicion për të folur dy kryeministrat.

Kur Evropa ishte mirë, ne ishim në rrëmujë, tani kur ne jemi më mirë, ata janë në rrëmujë. Njerëzit në rajon përfundimisht duhet të prekin modernizimin. Nuk do dalim kurrë nga sjelljet fëmijërore nëse nuk ndryshojmë qasjen tonë. Dallojmë nga Serbia sa i takon rrugës evropiane, ne kemi vetëm Perëndimin. Kjo lidhet më të kaluarën tonë dhe dëshirën për të qenë pjesë e Evropës. Kjo është mënyra për modernizim dhe integrim.

Ne duhet ti udhëheqim reformat drejt integrimit.
Vuçiq u përgjgigj: Po keqpërdoren lidhjet tona me Rusinë, e vërtetë se duam t’i ruajmë ato, por gjithashtu Serbia ndjek rrugën drejt Bashkimit Evropian. Këto i them në BE, në Washington.

© KOHA. Të gjitha të drejtat janë të rezervuara.