Beogradi ka ulur “nivelin e kapaciteteve për negociata” me Prishtinën

12 Tetor 2016 - 21:35      

Beogradi po vazhdon ta quajë sulm të Kosovës ndaj Trepçës miratimin e Ligjit për të nga Kuvendi i Kosovës, transmeton Koha.net.

Drejtori i të ashtuquajturës Zyrë për Kosovën Marko Gjuriq , sipas rtv-së, sot është takuar me shefen e Zyrës së KB-së në Beograd Simone Mireli Miculescu, dhe, i ka thënë asaj se “për shkak të akteve të njëanshme të autoriteteve në Prishtinë, niveli i besimi të Beogradit e Prishtinës si dhe kapaciteti i tij për të biseduar, në masë të madhe dhe në mënyrë të kuptueshme, është ulur”.

Ai e ka njoftuar atë për “sulmin e Prishtinës në kombinatin Trepça dhe hapat që Serbia do t’i ndërmarrë për ta njoftuar organizatën e KB-së lidhur me këtë.

Gjuriq po ashtu ka treguar se Beogradi tashmë ka filluar një ofensivë diplomatike për të njoftuar botën për “këtë sulm të Prishtinës”.

© KOHA. Të gjitha të drejtat janë të rezervuara.