Havolli: Vetëvendosje bojkotoi të gjitha debatet për Trepçën

12 Tetor 2016 - 21:10      

Injorimin e debateve për Trepçën Lëvizja Vetëvendosje mundohet ta mbuloj me sulmin ndaj Qeverisë së Kosovës se procesit i mungon fillimisht strategjia ka thënë shefi i kabinetit të kryeministrit Mustafa dhe njëherësh këshilltari i tij politik për ekonomi, Sokol Havolli në Rubikon të KTV-së.

Sipas tij, kreu i LVV-së, Visar Ymeri ka qenë i ftuar në këto debate mirëpo ka zgjedhur që mos ta përcjell një takim të tillë.

“Janë ftuar, ejani të diskutojmë për Trepçën, ka qenë edhe menaxhmenti i jugut, natyrisht është bojkotuar nga kryetari i partisë që e përfaqëson deputetja dhe ne e kemi vazhduar punën. Me këtë mundohen të mbulojnë edhe kontributin e vet”, ka thënë ai.

Havolli përmendi edhe studimet që janë bërë nga ekspertët ndërkombëtarë dhe vendorë.

“Janë bërë gjashtë studime që kanë përfshirë praktika të vendeve të ndryshme që kanë kaluar praktika të njëjtë si Kosova, praktika merren nga ato vende që kanë miniera. Po flasim për ekspertë nga Kanada, Britania e Madhe dhe pastaj është bërë edhe një ekspertizë vendore”, përfundoi Sokol Havolli.

© KOHA. Të gjitha të drejtat janë të rezervuara.