“Mund të bëhej më shumë për Trepçën”

12 Tetor 2016 - 20:56      

Në mes të dy të këqijave, Nisma për Kosovën ka thënë se zgjodhi të keqen më të mirë. Sipas anëtarit të kryesisë së këtij subjekti, Shyqri Bytyqi nuk kishte zgjidhje më të mirë.

Ai në Rubikon të KTV-së ka thënë se ka pasur hapësirë që të bëhet më shumë me ligjin.

“Themi se e bëmë një zgjidhje nga ajo që ishte në mes të dy të këqijave, zgjodhëm të keqen më të vogël. Nuk pajtohem me idenë se është bërë ligji më i mirë, ka mundur të bëhet shumë më mirë”, ka thënë Bytyqi.

Sipas tij neni 5 që parasheh kalimin e resurseve të pasurisë tokësore në pronësi të shtetit është pozitive.

Bytyqi theksoi se Qeveria e Kosovës e ka të pamundshme të investojë e vetme në Trepçën dhe nevoja për investime të jashtme është e pashmangshme, çka, sipas tij, po pengohet nga ndikimi politik i Serbisë në këtë proces.

© KOHA. Të gjitha të drejtat janë të rezervuara.