AVONET: Shëndeti i qytetarëve në rrezik nga barnat e Serbisë

12 Tetor 2016 - 18:14      

Rrjeti i OJQ-ve AVONET, ka bërë hulumtime në fushën e shëndetësie dhe duke monitoruar këtë sektor. Gjatë këtij hulumtimi dhe monitorimi, thotë kumtesa e kësaj OJQ-je, kemi vërejtur se produktet të cilat po importohen në mënyrë të paautorizuar nga Serbia, për në Kosovë janë edhe produktet medicinave, transmeton Koha.net.

Që nga viti 2015, këto produkte kanë filluar, ta vërshojnë tregun tonë në mënyrë të pa kontrolluar.

Një kontribut, të tillë në përhapjen dhe përdorimin e këtyre produkteve , po e bëjnë edhe vetë doktorët të cilët pas kontrolleve pacientëve të tyre po iu rekomandojnë pikërisht ilaçet të cilat janë prodhim serb dhe të cilët nuk janë të licencuara për përdorim.

Këto medikamente të cilat nuk kanë autorizim për shitje në Kosovë, janë kryesisht të kompanisë “Galenika”, mirëpo duke mos përjashtuar edhe prodhues të tjerë serb të cilët nuk kanë licencë për shitje.

© KOHA