Pas debatit të gjatë, pa kuorum për rezolutë

12 Tetor 2016 - 07:15      

Pa ndonjë rezultat konkret ka përfunduar debati që ka zgjatur më shumë se katër orë, në seancën e jashtëzakonshme të Kuvendit, i thirrur pas arrestimit të komandantit të Policisë së Kosovës për rajonin e Mitrovicës, Nehat Thaçi, nga ana e autoriteteve të Serbisë, shkruan sot Koha Ditore.

Megjithëqë është kërkuar që në orët e mbrëmjes të përpilohet një rezolutë, e cila do të përmbante qëndrimet nga debati i gjatë, votimi i saj ka qenë i pamundur për shkak të mungesës së kuorumit. Në sallë kanë qenë rreth 40 deputetë.

Në fund është vendosur që rezoluta të përpilohet dhe të votohet në një seancë të re, e cila është paralajmëruar që të mbahet të mërkurën (sot) prej orës 10:00. Paraprakisht është vendosur që në orën 9:00 të mblidhet grupi i caktuar për harmonizim të tekstit të rezolutës.
Kryetari i Kuvendit, Kadri Veseli, ka kërkuar që të harmonizohet një tekst i përbashkët edhe në seancën e radhës të sillet për votim.

Fillimisht për kërkesën për seancë të jashtëzakonshme, në të cilën ka qenë i pranishëm edhe babai i Thaçit, Rrahim Thaçi, ka folur iniciuesi i saj, deputeti i pavarur Gëzim Kelmendi. Ai ka thënë se shpreson që arrestimi i Thaçit të jetë i fundit, porse e dinë që nuk është i pari.
(Shkrimin e plotë lexojeni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.