Enver Hasani kundërshton aktakuzën, bazohet sërish në imunitet funksional

12 Tetor 2016 - 07:00      

Enver Hasani nuk i është bindur vendimit të fundit të nxjerrë nga Gjykata Themelore e Prishtinës, e cila i ka kërkuar të mos e shtrojë më çështjen e imunitetit funksional karshi akuzave sa ishte në krye të Gjykatës Kushtetuese, shkruan sot Koha Ditore.

Ai, në seancën ku ishte paraparë që të paraqitej kundërshtimi i aktakuzës, sërish e ka ngritur çështjen e imunitetit funksional e diplomatik, duke thënë se nuk mund të zhvillohet asnjë procedurë penale ndaj tij për vendimet që janë nxjerrë sa ishte kryetar i Kushtetueses.

Ka kërkuar që aktakuza të hidhet krejtësisht poshtë. Mirëpo, me këtë pretendim nuk është pajtuar prokuroria, duke i kërkuar gjykatës që të mos e marrë për bazë. Ndaj kundërshtimit gjykata pritet të vendosë ditëve në vijim.
(Shkrimin e gjerë mund ta lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.