Ministria me plan për transformimin e FSK-së në FAK

11 Tetor 2016 - 20:59      

Këshilltari ushtarak i ministrit, Haki Demolli dhe koloneli, Fadil Hadërgjonaj në Rubikon të KTV-së ka folur mbi planin afatgjatë të ministrisë lidhur më transformimin nga FSK në FAK.

Ai ka thënë se ky plan përfshin çdo detaj që lidhet me procesin e përgatitjes dhe elementeve që kanë të bëjnë më ushtrinë.

“Gjatë kësaj periudhe jemi përgatitë, me vendim të ministrit është themeluar një komitet dhe është ndërtuar një departament i cili ka punë thelbësore të merret me procesin e përgatitjes së të gjitha elementeve që kanë të bëjnë me ushtrinë. Kemi krijuar një plan afatgjatë se si do të zhvillohej dhe të bëhej transformimi prej FSK-së në FAK, është një plan gjithëpërfshirës, edukimi, përgatitja, struktura dhe hierarkia, nevojat logjistika e infrastruktura”, ka thënë kolonel Hadërgjonaj.

Sipas këtij plani, është paraparë që buxhetit aktual t’i shtohen 5 milionë euro çdo vit, çka do të thotë që pas 10 vitesh ushtria do të ketë buxhet rreth 90 milionë euro.

“Nuk besoj se do të gjejmë një komandat që do të thoshte kemi para mjaft. Bazuar në numrin nevojën dhe misionin, në idenë se çfarë ushtrie mendojmë të krijojmë, parashihet se është shuma minimale e mjaftueshme”, ka thënë Hadërgjonaj.

© KOHA. Të gjitha të drejtat janë të rezervuara.