Selimi kërkon dyfishimin e buxhetit për krijimin e ushtrisë së Kosovës

11 Tetor 2016 - 20:44      

Buxheti për krijimin e ushtrisë së Kosovës nuk mjafton dhe ky duhet të dyfishohet. Sipas deputetit të LVV-së, Rexhep Selimi ky buxhet është i pamjaftueshëm dhe mbulon vetëm nevojat thelbësore që ka kjo ushtri.

Ai në Rubikon të KTV-së ka thënë se kjo forcë po krijon kapacitete dhe si e tillë duhet të ketë më shumë mbështetje financiare, transmeton Koha.net.

“Ky 41 milionsh është totalisht i pamjaftueshëm dhe FSK ka nevojë më tepër kur është një forcë që po krijon kapacitete”, ka thënë Selimi.

Rexhepi theksoi se me një partner të Qeverisë së Kosovës sic është Lista Serbe e cila nuk është në pajtueshmëri me interesat e Kosovës dhe është përfaqësim i qëndrimeve të Beogradit nuk mund të ketë një pajtueshmëri lidhur me krijimin dhe evoluimin e ushtrisë së Kosovës.

“Asnjëherë nuk e kam dëgjuar në Kuvend, asnjë zë në Kuvend e as të partnerëve aty, janë kthyer në një politikë të Beogradit e cila është reprezentim nga Lista Serbe në Kuvendin e Kosovës. Me një partner të tillë të Qeverisë së Kosovës vështirë që ne do të kemi pajtueshmëri për ta bërë”, ka thënë veç të tjerash Selimi.

© KOHA. Të gjitha të drejtat janë të rezervuara.