Për çfarë e akuzon Hashim Rexhepi Hashim Thaçin [video]

11 Tetor 2016 - 19:07      

Të njëjtën ditë kur presidenti i vendit, Hashim Thaçi, doli publikisht me kërkesën për hetimin e krimeve të luftës e të pasluftës pa dallim, emri i tij u përmend si i përfshirë në një aferë të madhe korruptive, raporton KTV.

Ish-guvernatori i Bankës Qendrore, Hashim Rexhepi, një interviste për gazetën online ‘Fjala’, foli për Thaçin, si njeri që ndërhyri direkt në buxhetin që menaxhohej nga Banka Qendrore e Kosovës.
Por refuzimet që Hashim Rexhepi ia kishte bërë këshilltarit izraelit të ish-kryeministrit bën që ai të kritikohej nga Thaçi për menaxhim të dobët të bankave.

Përmes këshilltarit të tij, Hashim Thaçi insistonte të përcaktojë se në cilën bankë jashtë vendit duhet investuar 1 miliard euro.
Në pjesën e dytë të intervistës, ish-guvernatori i bankës flet për vizitën e pazakontë që ia kishin bërë në vitin 2010 kryetari i Skenderajt, Sami Lushtaku, dhe ish-ministri i financave, Ahmet Shala.

Kjo deklaratë e Rexhepit nxiti deputeten nga radhët e Nismës Valdete Bajrami që të kërkojë hetim për vetë presidentin Hashim Thaçi.
Në seancën e Kuvendit të Kosovës, hetim për deklaratat publike kërkoi edhe kreu i Kuvendit, Kadri Veseli.

© KOHA. Të gjitha të drejtat janë të rezervuara.