Pajaziti: Serbia nuk është e sigurt për udhëtime të kosovarëve

11 Tetor 2016 - 16:19      

Shefi i grupit parlamentar të PDK-së, Zenun Pajaziti, duke folur për arrestimin e komandantit të Policisë së Kosovës për rajonin e Mitrovicës, Nehat Thaçi, ka thënë se udhëtimi nëpërmjet Serbisë nuk është i sigurt për qytetarët e Kosovës.

Në seancën e jashtëzakonshme të Parlamentit të Kosovës, Pajaziti arrestimin e Thaçit nga autoritetet serbe e ka quajtur kidnapim klasik, pa asnjë urdhër arrest për të, transmeton Koha.net.

“Arrestimi i tij duhet të trajtohet si një kidnapim klasik. Ai është arrestuar dhe kidnapuar pa asnjë lloj paralajmërimi pasi më parë nuk ka pasur asnjë lloj flet arresti për të”, ka thënë Pajaziti.

“Kërkojmë nga institucionet që të bëjnë edhe më shumë për anëtarësimin e Kosovës në Interpol. I bëjmë thirrje institucioneve të regjionit, veçanërisht atyre të Serbisë që të shtojnë bashkëpunimin me Policinë e Kosovës për menaxhimin e integruar të kufijve”, ka shtuar ai.

© KOHA. Të gjitha të drejtat janë të rezervuara.