Qeveria e Serbisë paska anuluar të gjitha aktet e Kosovës për Trepçën

11 Tetor 2016 - 13:04      

Qeveria e Serbisë sot ka marrë vendim për anulimin e të gjitha akteve juridike dhe veprimet e institucioneve të përkohshme të Kosovës Trepça SHA, raportojnë mediet e Beogradit të ketë deklaruar kryeministri i Serbisë, Aleksandar Vuçiq gjatë një konference me gazetarët, pas mbledhjes së qeverisë, transmeton Koha.net.

“Nuk e kupto pse shqiptarët po e bëjnë këtë? Çfarë duan të arrijnë kështu? Ndoshta nuk e kanë ndërmend që të futen me forcë në kombinatin tonë në veri? Të thonë se e gjithë prona është e tyre? Jo ore, ka thënë Vuçiq.

“Nuk mund të preket e drejta e pronës”, është shprehur kryeministri serb, duke shtuar se mos është e mundur që e gjithë kjo të jetë bërë për shkak të problemeve të brendshme politike.

“Çfarë duhet të bëj unë tani? Të vi këtu me flamurin serb?” – ka pyetur kryeministri i Serbisë.

Dialogu për telekomunikacionin mbetet, por së pari çështja e pronësisë.

“Fillimisht duhet të bisedojmë për pronësinë. Por ata asnjëherë nuk kanë dashur të flitet për këtë”, është shprehur Vuçiq. 

© KOHA. Të gjitha të drejtat janë të rezervuara.