Hoti në Doganë premton zbatim ligji në përzgjedhjen e drejtorit

10 Tetor 2016 - 17:23      

Ministri i Financave, Avdullah Hoti vizitoi sot Doganën e Kosovës ku u prit nga ushtruesi i detyrës së drejtori të përgjithshëm, Fahri Gashi dhe menaxhmenti i lartë i Doganës së Kosovës.

Në një njoftim për media thuhet se Hoti gjatë vizitës shprehi përkrahjen për punonjësit e doganës dhe i falënderoi ata për rezultatet e arritura.

“Kjo përkrahje nuk do të mungojë asnjëherë ku bëhet fjalë për ruajtjen e integritetit të oficerëve doganorë dhe stafit udhëheqës të saj”, ka thënë Hoti, teksa ka shtuar se për zgjedhjen e drejtorit çdo gjë do të shkojë sipas ligjeve në fuqi.

Ndërsa, U.D. i drejtori të Përgjithshëm, Fahri Gashi theksoi se Dogana do të vazhdojë me performancë të lartë dhe me zbatimin e detyrave të saj.
“Ddogana gjithmonë ka qenë një organizatë kredibile dhe e aftë për të përmbushur obligimet ligjore”, ka thënë ai.