Shqipëria ka bërë shumë për FSK-në

10 Tetor 2016 - 16:29      

Ministri për Forcën e Sigurisë së Kosovës, Haki Demolli, ka pritur në një takim zyrtar ambasadorin e Shqipërisë në Kosovë, Qemal Minxhozi.

Demolli me këtë rast falënderoi ambasadorin shqiptar si dhe përmes tij, Qeverinë e Shqipërisë dhe Ministrinë e Mbrojtjes për ndihmën e vazhdueshme që shteti shqiptar po jep për FSK-në, dhe në veçanti falënderoi ministren Mimi Kodheli për përkrahjen e saj, në të gjitha aktivitet regjionale dhe ato ndërkombëtare, që po bënë për Ministrinë e FSK-së dhe FSK-në.

Ministri dhe ambasadori biseduan edhe rreth intensifikimit të bashkëpunimit në të ardhmen, në përkrahjen profesionale të FSK-së, si dhe angazhimin e shtetit shqiptar për pranimin e FSK-së, në organizmat ndërkombëtarë të sigurisë.

Nga ana e tij, ambasadori i Shqipërisë, Minxhozi, falënderoi ministrin Demolli për pritjen, si dhe rikonfirmoi edhe një herë vazhdimin e bashkëpunimit në të ardhmen në mes dy shteteve dhe dy ministrive.

Ai u shpreh se Shqipëria do të vazhdojë që ta mbështes Ministrinë e FSK-së dhe FSK-në, në rrugën e saj të zhvillimit profesional dhe inkuadrimit të saj në mekanizmat ndërkombëtarë të Sigurisë. 

© KOHA. Të gjitha të drejtat janë të rezervuara.