Nesër vazhdimi i seancës së të premtes të Kuvendit

10 Tetor 2016 - 10:57      

Pas mbledhjes së Kryesisë së Kuvendit, në konferencë për media, Albulena Haxhiu, nga Vetëvendosje tha se nesër do të ketë në Kuvend seancë për pikat e rendit të ditës të mbetura nga seanca e javës së kaluar, ndërkohë që do të ketë edhe nj seancë të re nga ora 14:00 në të cilën do të diskutohet për arrestimin në Serbi të drejtorit të Policisë së Kosovës për rajonin e Mitrovicës, Nehat Thaçin.

Deputetja e Vetëvendosjes, Albulena Haxhiu tha se në seancë e nesërme kanë kërkuar që me urgjencë të merren masat për të krijuar një komision hetimorë për RTK-së.

Rendi i ditës:

1. Koha për deklarime jashtë rendit të ditës,

2. Koha për pyetje parlamentare,

3. Miratimi i procesverbalit nga seanca e mëparshme,

4. Votimi për emërimin e një anëtari në Komisionin për Kërkesa Pronësore,

5. Votimi i Projektligjit për investimet strategjike në Republikën e Kosovës,

6. Votimi i Propozim-Rezolutës lidhur me Kodin telefonik shtetëror të Republikës së Kosovës,

7. Votimi i Propozim-Rezolutës lidhur me situatën aktuale politike në pjesën veriore të Republikës së Kosovës,

8. Shqyrtimi i parë i Projektligjit nr. 05/L-117 për Akreditim,

9. Shqyrtimi i dytë i Projektligjit nr. 05/L-047 për ndryshimin dhe plotësimin e Ligjit nr. 04/L-065 për të drejtat e Autorit dhe të drejtat e përafërta,

10. Zgjedhja e një (1) anëtari të Këshillit Prokurorial të Kosovës,

11. Shqyrtimi i Raportit mbi gjendjen në Shërbimin Civil të Republikës së Kosovës për vitin 2015,

12. Shqyrtimi i Raportit të Agjencisë së statistikave të Kosovës për vitin 2015.