Radarët statikë vendosen nëpër rrugë nga fillimi i 2017-s [video]

9 Tetor 2016 - 20:04      

Duke marrë shkas numrin e madh të aksidenteve me fatalitet, që kanë ndodhur vitin e fundit në Kosovë, Policia do të vendosë radarë statikë nëpër rrugët e vendit, në fillim të 2017-s.

Këto pajisje planifikohen të jenë statike, por gjithashtu do të kenë mundësinë e lëvizjes së tyre varësisht nga vlerësimi i sigurisë në akset rrugore.

Sipas Policisë, kjo po bëhet me qëllim të parandalimit dhe identifikimit të kundërvajtjeve dhe ndërmarrjes së masave ligjore ndaj shkelësve të rregullave në trafik.

Ndonëse e konsiderojnë si të vonuar, ekspertët e komunikacionit e mirëpresin këtë iniciativë të Policisë, duke thënë që në akse të ndryshme rrugore duhet të vendosen edhe kamerat.

Kjo iniciativë e Policisë është mirëpritur nga ana e Ministrisë së Infrastrukturës.

Sipas zyrtarëve të saj, kjo ministri do të sigurojë kushtet e nevojshme për vendosjen e radarëve, në mënyrë që të ketë siguri më të madhe në komunikacion.

© KOHA. Të gjitha të drejtat janë të rezervuara.