Vetëvendosje ngushëllon familjen Bakalli

9 Tetor 2016 - 14:45      

Ish-deputeti i Partisë Demokratike, Gilman Bakalli është ndarë nga jeta në moshën 49-vjeçare, në mënyrë të papritur si pasojë e një leucemie akute. Pavarësisht ndërhyrjes së mjekëve për ta mbajtur në jetë, pedagogu dhe intelektuali Bakalli nuk ja ka dalë.

Lëvizja Vetëvendosje ka shprehur ngushëllime për ndarjen e papritur nga jeta të profesor Gilman Bakallit.

“Marrim pjesë në dhimbjen e familjes dhe i shprehim ngushëllimet tona më të sinqerta. Shprehim gjithashtu dhimbjen për humbjen e një studiuesi të thellë të shkencave humane pikërisht në moshën më të frytshme të krijimtarisë. Profesor Gilmani do të kujtohet çdo herë nga studiuesit e studentët, nga Shkodra dhe gjithë shqiptarët për veprimtarinë e pakompromistë intelektuale, qytetare dhe kombëtare”, thuhet në telegramin e ngushëllimit të Vetëvendosjes.

Gilman Bakalli ishte diplomuar në universitetin Luigj Gurakuqi të Shkodrës për gjermanistikë. Ai mbajti mandatin e deputetit nga viti 2005 deri në vitin 2009, ndërsa se fundi ishte pedagog i komunikimit në një universitet privat në Tiranë. Numëron një sërë botimesh dhe publikimesh mbi komunikimin, përkthimin dhe teorinë letrare. 

© KOHA. Të gjitha të drejtat janë të rezervuara.