Deputetja e AAK-së kritikon kolegët, kërkon punë konkrete rreth Projektligjit

7 Tetor 2016 - 19:04      

Deputetja e AAK-së, Teuta Haxhiu, ka pasur një vërejtje konkrete për kolegët e saj deputetë. Ajo ka thënë se nuk ka qytetar në Kosovë që nuk e di problemin e Trepçës.

“Andaj ne mund të bëjmë patriotizëm këtu e të flasim sa për të dalë në televizion. As ju si kryetar nuk po e menaxhoni mirë kohën. Propozoj që sot të merremi me këtë Projektligj konkretisht. Ne kemi vërejtje konkrete dhe presim që Komisioni t’i marrë dhe t’i inkorporojë ato. Pra t’i lëmë kohën Komisionit për të punuar e t’i lëmë muhabetet e kota”, ka thënë Haxhiu.

“E dimë që Qeveria e përgjumur e pati tërhequr brenda një kohe të shkurtër Ligjin për Trepçën para 10 muajsh. Ne mendojmë se edhe tash është e përgjumur. Por tash për tash këtu kemi një Projektligj që ka 8 faqe, dhe 11 Nene që për disa minuta deputetët mund ta lexojnë dhe të japin vërejtjet konkrete”, ka thënë ajo.

© KOHA. Të gjitha të drejtat janë të rezervuara.