Beqaj: Transformimin e aseteve të Trepçës duhet ta bëjë Kuvendi

7 Tetor 2016 - 17:34      

Edhe Besim Beqaj, deputet i PDK-së në Kuvendin e Kosovës, do që transformimi i aksioneve apo aseteve të Trepçës duhet të merret në Kuvendin e Kosovës, e jo nga Bordi i caktuar nga aksionari kryesor që është Qeveria e Kosovës.

“Nuk mundet Bordi të marrë vendim për ndryshimin e aseteve të Trepçës, por kjo duhet të bëhet në përputhje të plotë me ligjin për ndërmarrjet publike”, ka thënë Beqaj, teksa ka shtuar se këtë propozim do ta bëjë edhe në Komisionin përkatës për amendamentim mes dy leximeve.

Lexo edhe: Hamiti do që Kuvendi të bëhet vendimmarrës për Trepçën

Ai ka thënë se shihet vullneti i mirë i Qeverisë për ta bërë Ligjin për Trepçën, prandaj ka thënë se duhet bërë Ligj për Trepçën, si ndërmarrje e veçantë në kuadër të ligjit për Ndërmarrjet Publike.

© KOHA. Të gjitha të drejtat janë të rezervuara.