Mustafa: Ligji e bën Trepçën kompani atraktive për investime

7 Tetor 2016 - 16:19      

Deputeti i LDK-së, Muhamet Mustafa, njëherësh kryetar i Komisioni për Ekonomi në Kuvendin e Kosovës ka thënë se komisioni të cilin e drejton e ka mirëpritur tekstin e projektligjit, dhe ka konstatuar se ky ligj është i një rëndësie shumë të veçantë, sepse, sipas tij, ka caktuar pronarin e Trepçës, që është Kosova në 80 për qind dhe punëtorët e saj në 20 për qind.

“Kjo i hap rrugë që Trepça të kthehet në një kompani atraktive për investime edhe të Qeverisë edhe të punëtorëve por edhe të sektorit privat në forma të ndryshme”, ka thënë Mustafa, teksa ka shtuar se pret që në mes të dy leximeve që do t’i bëhet sot këtij Ligji të precizohen amendamentet edhe vërejtjet e palëve të caktuara.

Mustafa ka thënë se në këtë fazë sa ka qenë duke u punuar Ligji, Komisioni ka pasur bashkëpunim të shkëlqyeshëm me kryetarin e Kuvendit të Kosovës Kadri Veseli dhe me kryeministrin Isa Mustafa.

© KOHA. Të gjitha të drejtat janë të rezervuara.