Brukseli mohon të ketë vënë ultimatume për Telekomin

7 Tetor 2016 - 07:07      

Zyrtarë nga Brukseli, të cilët po ndërmjetësojnë dialogun mes Kosovës dhe Serbisë, kanë mohuar të kenë vënë ultimatum mbi ndonjërën palë sa i përket Marrëveshjes së Telekomit.

Kësaj çështjeje ende nuk i është dhënë zgjidhje përkundër disa raundeve të negociatave të zhvilluara në Bruksel. Së fundi, drejtori për Kosovë në Qeverinë e Serbisë, Marko Gjuriq, deklaroi se Beogradi ka ultimatum që deri të dielën ta nënshkruajë Marrëveshjen për telekomunikacionin, shkruan sot Koha Ditore.

Gjuriq ka kërcënuar me braktisje të negociatave nëse marrëveshja firmoset, të cilën ai e quan të dëmshme për Serbinë. Por Brukseli zyrtar ka mohuar të jenë vënë kushtëzime e ultimatume.

Nga zyra e Federica Mogherinit, e cila është lehtësuese e dialogut mes Prishtinës dhe Beogradit ua kanë rikujtuar palëve obligimet që derivojnë nga marrëveshjet e firmosura. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.