Sëmundjet e patrajtueshme me mundësi trajtimi nga zbulimi i Yoshimori Ohsumit

6 Tetor 2016 - 20:12      

Sëmundjet gjenetike pa mundësi trajtimi deri tani kanë mundësi të trajtohen përmes zbulimit të shkencëtarit japonez, Yoshimori Ohsumi i cili fitoj çmimin Nobel për mjekësi duke u bërë kështu laureati i gjashtë nga Japonia i cili fiton një çmim të tillë.

Sipas mjekut, ky zbulim mund të ketë ndikim të madh në sëmundjet gjenetike.

“Zbulimi i fundit që është bërë në mjekësi mund të ketë ndikim të madh edhe në sëmundjet gjenetike që janë, që për momentin janë të patrajtueshme”, ka thënë Armend Sadiku.

Sadiku ka krahasuar zbulimet dhe rezultatet e atyre zbulimeve ndër vite duke thënë se çdo zbulim i shpërblyer me Nobel në mjekësi ka pasur sukses dhe përdorim në këtë fushë.

“Para 10 viteve Harald Hausen ka fituar çmimin Nobel pasi ka identifikuar se 99% të rasteve të kancerit në qafën e mitrës janë disa virusë që kanë emrin “human papilloma virusa”, kjo ka qenë në vitin 2005”, shpjegoi Sadiku

Ai ka thënë se të gjitha metodat mjekësore që sot përdoren janë meritë e punës së madhe të gjithë atyre nobelistëve.

© KOHA. Të gjitha të drejtat janë të rezervuara.