Shumë kritika në adresë të Këshillit Kombëtar të Sigurisë [video]

6 Tetor 2016 - 19:22      

Kritika të shumta janë drejtuar në adresë të Këshillit Kombëtar të Sigurisë, i cili funksionon në kuadër të Qeverisë.

Anëtarët e Komisionit parlamentar për Siguri e quajnë të dështuar këtë Këshill, për shkak se, sipas tyre, që nga themelimi nuk ka treguar asnjë veprim konkret.

Për më tepër, thonë se ky Këshill është formuar vetëm për mëditje dhe udhëtime jashtë vendit.

Kritika ndaj këtij Këshillit kanë dhënë anëtarë opozitarë të Komisionit.

Rexhep Selimi nga Lëvizja “Vetëvendosje” thotë se nuk ka komunikim fare ndërmjet Komisionit parlamentar dhe Këshillit.

Njohësit e çështjeve të sigurisë, vlerësojnë se ky Këshill është dashur të mblidhej për shumë çështje, siç janë arrestimet për terrorizëm e deri te demarkacioni.

Kohavision ka kërkuar nga Qeveria më shumë detaje sa i përket punës së Këshillit dhe mjeteve të cilat janë shpenzuar deri tash, por qeveria nuk ka kthyer përgjigje.

© KOHA. Të gjitha të drejtat janë të rezervuara.