Ende shumë për t’u bërë në avancimin e shkencave shëndetësore

6 Tetor 2016 - 16:39      

Është mbajtur Simpoziumi i Shtatë Ndërkombëtar i Shkencave Shëndetësore “Shëndetësia e avancuar, klienti në qendër”.

Në këtë simpozium të shtatë u tha se avancimi shëndetësor siç është i rëndësishëm për çdo shoqëri, është i rëndësishëm edhe për shoqërinë tonë.

E avancimi i shkencave shëndetësore sipas Petrit Beqirit nga Instituti i Shëndetësisë Juglindore, nuk është në nivelin e dëshiruar, raporton Ksp.

Zëvendësministri i shëndetësisë Izet Sadiku, tha se prania e shumë të rinjve dhe pjesëmarrësve në këtë simpozium, tregon se rinia është e interesuar për hulumtime përmes të cilave synohet të arrihet avancim në shëndetësi, e që sipas tij kjo tregon edhe që ka filluar faza ku rezultatet tona t'i krahasojmë me rezultatet e vendeve tjera.

E Teuta Pustina nga rektorati i Universitetit të Prishtinës, tha se sa i përket shëndetësisë në Kosovë nuk mund të themi se shëndetësia është e nivelit të ulët por sipas saj e ulët është mënyra se si punohet dhe shkruhet në letër.

“Andaj ky simpozium të jete një nisme e re për studentët”, tha Pustina.