Kosova në Forumin “Ambienti i të bërit Biznes” në SHBA

6 Tetor 2016 - 09:24      

Ministri i Financave Avdullah Hoti, gjatë vizitës zyrtare në Shtetet e Bashkuara të Amerikës morri pjesë në Forumin “Ambienti i të bërit Biznes” në vendet e regjionit të Karaibeve, ku foli për situatën ekonomike në Kosovë, njofton kumtesa nga MeF, transmeton Koha.net.

Hoti në forum vuri theksin te përmirësimi i rangimit të Kosovës në Raportin e Bankës Botërore “Të bërit Biznes”, si dhe në veprimet specifike që Kosova ka ndërmarrë, e që kanë kontribuar në përmirësimin e pozitës së Kosovës në këtë raport.

Përveç veprimeve specifike që lidhen me indikatorët individual të këtij raporti, ai foli për përvojën e Kosovës në koordinimin dhe involvimin e sektorit privat në proceset reformuese, duke folur për rolin që ka luajtur dhe vazhdon të luaj Këshilli Kombëtar për Zhvillim Ekonomik, si një forum për koordinimin e reformave që lidhen me fushën e zhvillimit ekonomik.

© KOHA. Të gjitha të drejtat janë të rezervuara.