Prishtinasit përballen me mungesë të shërbimeve mjekësore [video]

5 Tetor 2016 - 19:26      

Ndonëse kanë bërë investime për riparimin e shumë qendrave të mjekësisë familjare, kryeqytetasit shpesh përballen me mungesë të shërbimeve mjekësore, raporton KTV.

Kjo për faktin se në këto qendra ka mungesë të stafit për të plotësuar nevojat.
Drejtori për shëndetësi në komunën e Prishtinës, Arben Vitia, ka thënë se po përballen me një problem të tillë tash e sa muaj.
Thotë të kenë dërguar disa herë kërkesa, por përgjigje morën pas rreth 3 muajsh nga Ministria e Financave, për të mos plotësuar kështu as për së afërmi nevojat që kanë.

Edhe zyrtarë të kësaj ministrie kanë konfirmuar, përmes një përgjigjeje me shkrim, se e kanë aprovuar kërkesën e komunës. Ndërkohë, Vitia ka treguar se derisa 22 punonjës në këtë sektor kanë shkuar në pension, nevojat janë edhe për më tepër, marrë parasysh numrin e madh të banorëve dhe zgjerimin e shërbimeve. Në Prishtinë, ka 32 institucione shëndetësore, përfshirë edhe poliklinikën stomatologjike dhe ambulancat në viset rurale.

© KOHA. Të gjitha të drejtat janë të rezervuara.