Tre deputetë të PDK-së hetohen për keqpërdorim të detyrës [video]

5 Tetor 2016 - 19:05      

Zenun Pajaziti ishte zgjedhur për të zëvendësuar Adem Grabovcin si kryetar i Grupit Parlamentar të PDK-së, për shkak të dorëheqjes së Grabovcit dhe hetimeve ndaj tij, por tani edhe Pajaziti është përfshirë në rastin e njëjtë, raporton KTV.

Në 3 deputetë të partisë më të madhe në vend ka shkuar numri i atyre që Prokuroria Speciale e Kosovës po i heton për keqpërdorim të detyrës zyrtare dhe shkelje të statusit të barabartë të qytetarëve të Kosovës.

Rastet kanë të bëjnë kryesisht me emërime në borde ndërmarrjesh. Por, shefi i GP të PDK-së ka thënë për KTV-në se ai nuk ka kryer asnjë vepër penale.
Kolegu i tij deputet, Besim Beqaj, nuk është lajmëruar në thirrje të KTV-së.

Një ekip prej tre prokurorëve, në krye me Drita Hajdarin, së shpejti pritet t’i marrë ata në pyetje.
Procedura e njëjtë ishte ndjekur me Adem Grabovcin, por ai cili kishte zgjedhur të mbrohet në heshtje.

Florent Latifaj ka konfirmuar për KTV-në se EULEX-i, që e kishte këtë lëndë, u ka kthyer përgjigje, duke thënë se ata nuk e kanë lëndën e përgjimeve.
Partia Demokratike e Kosovës, e cila tani ka disa zyrtarë të lartë nën hetime, nuk ka dashur të komentojë për këtë.

© KOHA. Të gjitha të drejtat janë të rezervuara.