Serbia para ultimatumit për marrëveshjen e telekomunikacionit me Kosovën

5 Tetor 2016 - 17:03      

Kryeministri i Serbisë Aleksandar Vuçiq se në periudhën e ardhshme do të merret vendimi lidhur me zbatimin e marrëveshjes së Beogradit e Prishtinës për telekomunikacion, transmeton koha.net.

Ai ka theksuar se bisedat për këtë temë janë më të vështira se sa që duket nga jashtë, porse nuk flet për ultimatum.
"Nuk do të thosha se bëhet fjalë për ultimatum , bëhet fjalë për bisedimet që kemi zhvilluar në Bruksel “citon b902 të ketë thënë Vuçiq duke përfolur deklaratën e Marko Gjurqit se Serbia është para ultimatumit.

"Pa marrë para sysh se më ka lavdëruar si kryeministër, mua më ka vënë në situatën më të vështirë, sepse nëse këtë e pranojmë, i bie se unë kam marrë diçka që është kundër popullit tim, e nëse nuk pranojmë, ne drejtpërdrejt jemi përgjegjës për situatën eventuale të vështirë politike” ka thënë Vuçiq, transmeton Koha.net.

Vuçiq ka thënë se para tij ka ardhur dokumenti për të cilin duhet të deklarohemi e për të cilin nuk ka negociata dhe se vendimi për këtë do të merret ditëve të ardhshme.
"Do të shih si dhe çka do të propozoj Qeverisë sonë dhe ekipit negociues. Fjala është për gjëra shumë të vështira e pasojat për ne janë serioze në çdo pikëpamje”, ka thënë Vuçiq.

© KOHA. Të gjitha të drejtat janë të rezervuara.