BE i hap Gjeorgjisë rrugën për liberalizim – pengesat e Kosovës, korrupsioni dhe demarkacioni

5 Tetor 2016 - 14:16      

Ambasadorët e Bashkimit Evropian sot e kanë hapur rrugën për negociata ndërmjet Këshillit Evropian dhe Parlamentit Evropian për liberalizim të vizave për Gjeorgjinë.

Përfundimisht, pëlqimin e vet e ka dhënë edhe Gjermania, e cila më parë kishte rezistuar të pajtohej për shkak të rritjes së krimeve të shtetasve të Gjeorgjisë në Gjermani.

Negociatat për aspekte të ndryshme të të ashtuquajturit “mekanizëm të suspendimit” mund të zgjasin disa javë.

Pritet që Parlamenti Evropian dhe shtetet anëtare të Bashkimit Evropian, do ta japin pëlqimin e tyre final për udhëtim pa viza të shtetasve të Gjeorgjisë në BE, më vonë këtë vit.

Marrëveshja për liberalizim të vizave me Gjeorgjinë është pjesë e planeve më të gjera të BE-së për t’u hapur ndaj vizitorëve edhe nga Kosova, Ukraina e Turqia.

Kosova duhet të luftojë korrupsionin dhe të zgjidh çështjen e demarkacionit me Malin e Zi para se BE të ndërmerr hapa të mëtejmë.  

© KOHA