Telekomit i mbahen të uzurpuara asetet në 7 vendbanime

5 Tetor 2016 - 07:30      

Në shtatë vendbanime asetet e Telekomit mbahen të uzurpuara nga serbët. Beogradi zyrtar ka kushtëzuar zhbllokimin e procedurës së pajisjes së shtetit me kod telefonik, me transferimin e këtyre aseteve tek dega e Telekomit të Serbisë, për të cilën synon të shtrijë operimin në gjithë territorin e Kosovës.

Në Telekom kanë konfirmuar mungesën e qasjes në pajisjet e tyre që ndodhen në disa vendbanime që i dominojnë serbët, shkruan sot Koha Ditore.

“Rrjetet telefonike dhe centralet e ish-PTT-së së Kosovës të ndërtuara para viteve 1999 dhe një pjesë e këtyre aseteve kanë qenë të uzurpuara që nga paslufta si p.sh: në Leposaviq, Soqanicë, Graçanicë etj., dhe një pjesë është uzurpuar pas vitit 2002, sikur është rasti i rrjetit të telefonisë fikse në Mitrovicën Veriore, konkretisht në Zveçan, Prilluzhë, Zubin-Potok, etj.”, ka treguar nëpërmjet e-mailit, Arsim Bilalli, zëdhënës i Telekomit të Kosovës...(Tekstin e plotë lexojeni sot në Koha Ditore).

© KOHA. Të gjitha të drejtat janë të rezervuara.